што можна сказаць?
сказаць - нічога
суха шкрабае у замку ключом і
запускае котку,
гучна кладзе
пад старое люстэрка ключы
у пустой, у густой вадзе
як рыба нешта маўчыць

што можна сказаць
старому гадзінніку?
паабяцаць: заўтра абавязкова
ён ведае ўсе варыянты
магчымых вынікаў
і - ані слова

што можна сказаць
калі няма чаго? толькі лішняга
фарба лупіцца сіняя
на дэкарацыях
і публіка тонкай
нямытай блакітнай лініяй
пакідае станцыю