у адно мэтро нельга ўвайсьці двойчы —
так вучылі нас ва ўніверы і школе.
я ў твае, ты ў мае не заглянеш вочы,
бо мы не сустрэнемся пэўна ніколі.

твой эскалятар хутка едзе наверх,
мой жа павольна цягнецца ўніз.
я гляджу наперад нібыта завіс,
ты глядзіш па старанах і пераходзіш на бег.

ты сядаеш у першы, я заходжу ў трэці.
ты чытаеш вершы аб жыцьці і аб сьмерці.
мне плэер таксама грае нешта такое,
а цягнік проста едзе да сваёй канцавой.

і няхай паміж намі скараціцца дыстанцыя —
стане максімальна дапусьцімы мінімум...
усё адно мы будзем на розных станцыях,
мы застанемся на розных лініях...

у адно мэтро нельга ўвайсьці двойчы —
так вучылі нас ва ўніверы і школе.
я ў твае, ты ў мае не заглянеш вочы,
бо мы не сустрэнемся пэўна ніколі.